Республикалык клиникалык жугуштуу оорулар ооруканасына бир сутка ичинде 287 бейтап кайрылды. Бул тууралуу Саламаттык сактоо министрлигинен билдиришкенин «24.kg» жазды.
Кайрылгандардын ичинен 222си жаш балдар.
«Кайрылгандардын 122си ооруканага жаткырылган, алардын 112си жаш балдар. Курч мүнөздөгү ичеги-карын инфекциялары менен 86 адам кайрылса, 57си ооруканага жаткырылып, 29 бейтапка амбулатордук жардам көрсөтүлгөн. Курч мүнөздөгү вирустук инфекциялар менен 41 адам кайрылган, алардын 15и ооруканага жаткырылды», — деп айтылат маалыматта.