Бишкек шаардык клиникалык тез жардам ооруканасы болуп жаңы өзгөртүлгөн борбордун дарыгерлери жалпы элге кайрылуу кылышты.
Алар бир катар коомчулукта айтылып жаткан ушак-кептерге жооп беришти.
“Аталган борбор иштебей токтоп калыптыр деген кептер да тарап кетти. Чынын да бул маалыматтар жалган биз кадимкидей режимде иштеп жатабыз” – дешти.
Ошондой эле адамдардын сөөктөрүнө керектүү айрым медициналык жабдыктар туурасында түшүнбөстүктөр туурасында маалыматтарды ачыкташкан.
Бишкек шаардык травматология жана ортопедия илим изилдөө борбору Бишкек шаардык клиникалык тез жардам ооруканасы болуп өзгөртүлгөн. Жоюлган илимий борборду Сабырбек Жумабеков жетектеп турган. Министр менен жетекчинин ортосунда тирештен митингдер да болгон.