Дүйнөлүк беттеште алтын утуп алган Мээрим Жуманазаровадан Дүйнөлүк күрөш уюму интервью алган.
Дүйнөлүк уюм: Дүйнөлүк чемпион болуу кандай экенин сезип жатасызбы?
-Дүйнө чемпиону болуу кандай экенин азырынча сезе элекмин, бирок аябай бактылуу болуп жатам. Дүйнөлүк чемпиондукту утуп алганыма сүйүнүп турам.
Дүйнөлүк уюм: Сиздин атаандашыңыз күчтүү болчу. Аны менен буга чейин күрөштүңүз беле?
-Мен бул атаандашым менен экинчи ирет кездешип жатам. Буга чейин жаштар арасында Азия чемпионатында 2019-жылы күрөшкөм. Бул экинчи жолу оюн талаасынан беттешүүм.
-Дүйнөлүк уюм: Айсулуу Тыныбекова Кыргызстанда спортчулар үчүн канчалык дем берип турат?
-Ал биздин команданын лидери. Андан, албетте, үлгү алабыз. 2019-жылы Айсулуу эже чемпион болгондо аябай кубангам, мен анда жаракат алып катыша албай калгам.
Дүйнөлүк уюм: Сиз буга чейин күмүш медал алдыңыз, азыр алтын алып отурасыз жашооңузда кандай өзгөрүүлөр болуп жатат?
— Мурда кандай болсо, азыр деле ошондой… Мурда жакшы болчу, азыр деле жакшы.
Дүйнөлүк уюм: Эми кандай аракеттерди көрөсүз?
— Эми мурда кандай машыгып жатсам, ошондой эле машыгуумду улантам.
Дүйнөлүк уюм: Айсулуу Тыныбекова экөөңүздөр кыргызстандык кыздар үчүн үлгү болуп жатасыздар. Аларга кандай кеп-кеңешиңизди берип кетет элеңиз?
-Кыздар чоң максатты коюп, аларга аракет кылуусу керек. Эч нерседен коркпош керек. Бардыгын кылса, барыгына жетсе болот.
Дүйнөлүк уюм: Сиздин бир тууган сиңдиңиз жаштар ортосунда мелдеште байгелүү орунга ээ болду. Эми сиз алтын медал алдыңыз, үй-бүлөңүз кандай кабыл алат деп турасыз?
—Биздин үй-бүлөбүз спортко жакын, атам, байкемдер бүт күрөш менен машыгышат. Бул көрүнүш биз үчүн көнүмүш…
Дүйнөлүк уюм: Сиз жана сиздин сиңдиңиз курама команданын мүчөсүбү?
-Ооба, дал ошондой…
Дүйнөлүк уюм: Сиз жана Айсулуу Тыныбекова үчүн машыктыруучунун ролу кандай?
-Машыктыруучусуз мындай ийгиликтерге жетүү мүмкүн эмес. Биздин машыктыруучубуз — эң күчтүү жана эң жакшы.
