Жумгал районунун Миң-Куш айылынын 42 жана 41 жаштагы тургундары балык уулоого кеткен бойдон дайынсыз болууда. Бул тууралуу Өзгөчө кырдаалдар министрлиги билдирет.
Алар 5-июнь күнү Өрнөк айылындагы Көкөмерен дарыясына балык кармоого кеткен боюнча кайтып келишкен эмес.
Издөө иштерин жүргүзүүгө Жумгал райондук өрткө каршы куткаруу бөлүмүнүн кызматкерлери тартылган. Издөө улантылууда.
