Жыл башынан бери жарандар 322,9 кг алтын куйма сатып алган. Бул тууралуу маалымат жыйында Улуттук банктын төрагасынын орун басары Нурбек Жеңиш билдирди.
Анын айтымында, алтынга салынган акча узак мөөнөттү инвестиция болгондуктан, андан дароо пайда көрүү кыйын. Себеби алтындын баасы өйдө-ылдый болуп, жарандар андан утуп алышы да, уттуруп коюшу да мүмкүн. Бирок узак убакыт өткөндөн кийин алтындын баасы өсөт.
Ал белгилегендей, алтын куймаларды чет элдиктер да сатып ала алышат. Бирок ал үчүн алар тиешелүү документтерди топтошу зарыл.
Бардык жаңылыктар Телеграм каналда