2023-жылы үй-бүлөлүк зомбулук боюнча 49 кылмыш иши козголсо, анын 15и тосмо арыз жазган. Бул тууралуу башкы прокурор Курманкул Зулушев бүгүн парламентте билдирди.
Ал зомбулукка кабылгандар жарашып кетип жатканын белгиледи.
«Эми сиз кайгылуу кылып айтсаңыз, коомчулук дагы ушуга эле зомбулукка күбө болуп калдык деп айтышы мүмкүн. Ар бир факт боюнча милиция иш жасап жатат. Мындай кылмыштуулук адам баласы болгондон кийин боло берет экен да. Бирок биз болтурбоо аракети көрүп жатабыз», — деди ал.
Депутат Айсулуу Мамашева үй-бүлөлүк зомбулук жана зордуктоо боюнча сүйүнүп айта албастыгын айтты.
«Тосмо арызды билесизби, аны коркуп жазышат», — дейт эл өкүлү.
Курманкул Зулушев депутат факты талап кылды.
Биздин Телеграм каналга катталыңыз