•  +(996) 557 67 66 40   
  •  press@reporter.kg
ДҮЙНӨДӨНЖАҢЫЛЫКТАР

Казак аткаминерлерине кайрадан смартфон колдонууга уруксат берилет

Казакстанда жакынкы убактарда мамлекеттик кызматкерлердин жумуш орундарында смартфон колдонуусуна кайрадан уруксат берилет. Бул тууралуу өлкөнүн санариптик өнүгүү, инновациялар жана агрокосмикалык өнөр жай министринин орун басары Аблайхан Оспанов билдирди.

“Мага жеткен маалыматтарга караганда, тиешелүү токтом өкмөткө келип, бардык ыйгарым укуктуу мамлекеттик органдар менен макулдашылды. Жакында өкмөттүн жыйынында каралат. Кеп бардык мамлекеттик кызматкерлерге чектөөсүз смартфон колдонуу мүмкүнчүлүгүн кайтарып берүү жөнүндө болууда. Бул мамлекет башчынын тапшырмасы”, — деди Оспанов.

Казакстанда мамлекеттик кызматкерлерге жумуш ордуларында смартфон колдонууга 2016-жылы тыюу салынган. Аларга чалуу жана СМС-билдирүү жөнөтүү мүмкүнчүлүгүнө ээ телефондорду гана пайдалануу сунушталган. Анда мындай чектөө кызматтык маалыматтар ачыкка чыгып кеткен учурлар көбөйүп жаткандыгы менен түшүндүрүлгөн.

Комментарий кош

Сиздин э-почта сайтта көрсөтүлбөйт. Зарыл түрдө толтуруу керек болгондор *