Анын айтымында, мындай чара дүйнө жүзүндө коронавирустун жайылышына байланыштуу кабыл алынды. Вице-премьер-министр бул боюнча өкмөттүн атайын токтому чыга турганын кошумчалады.
«Өзүнүн жол-жобосу бар, алар тууралуу Тышкы иштер министрлиги кийинчерээк маалымат берет. Биз мындай чараны туура деп кабыл алдык», – деди Өмүрбекова.
Ошол эле маалда жүк ташууга чектөө киргизилбейт.
Учурда Кыргызстанда коронавирус илдети каттала элек. 321 киши обсервацияда жатат.
