Баткен облусунун губернатору Алишер Абдрахманов да өз арызынын негизинде кызматтан кеткени белгилүү болду. Ушуну менен өлкөдө төрт облустагы өкмөттүн өкүлдөрү иштен алынды. Алардын мындай кадамга баруусуна республикадагы коомдук-саясий абал себеп болууда.
4-октябрдагы парламенттик шайлоонун жыйынтыгына нааразы партиялардын тарапташтарынын митинги жер-жерлерде да массалык башаламандык менен коштолуп жатат.
Соңку маалыматтарга ылайык, Таласта 200дөй, Жалал-Абадда 400гө чукул, Нарын облусунда 500гө жакын, Ошто 1000ден ашык, ал эми Баткенде 50дөй киши борбордук аянттарда топтолуп турушат.
