Бүгүн, 20-январда президент Сооронбай Жээнбеков кыргызстандыктарга мамлекеттик сыйлыктарды тапшырат. Бул тууралуу президенттин аппараты маалымдады.
Сыйлык тапшыруу аземи саат 11:00дө башталат.
Жарлыкка өлкө башчы жаңы жылдын алдында — 2019-жылдын 30-декабрында кол койгон.
Мамлекеттик сыйлыктарга коомдук ишмерлер, маданият, билим берүү, илим, саламаттыкты сактоо, мамлекеттик башкаруу, айыл чарбасы, курулуш тармактарынын өкүлдөрү жана башкалар татыды.
Иш-чарадан түз эфир Кыргыз Республикасынын Коомдук телерадиоберүү корпорациясынын «Ала-Тоо 24» телеканалынан берилет.
