Свердлов районунун башчысынын социалдык маселелер боюнча орун басары Асел Сыдыкова Бишкек шаарынын Келечек конушундагы No87 мектепте болгон окуя боюнча комиссиянын чечимин жарыялады.
Эскерте кетсек, 11-мартта No87 мектепте 5-класстын окуучусу Гүлзейнеп ооруп, ал ооруканага жетпей көз жумган.
Кыздын апасы мектеп жамаатынын жана дарыгерлердин аракетине нааразы болду.
Свердлов районунун башчысынын орун басары Асел Садыкованын айтымында, алар бардыгын карап, изилдеп чыгышты.
«Мектептин аракеттери балага жардам берүү үчүн жетиштүү жана акылга сыярлык болду. Алар колдон келгендин бардыгын жасашты. Материалдардын негизинде медайымдардын иш-аракеттери биринчи медициналык жардам көрсөтүү үчүн жетиштүү болду», — деди ал.
Садыкова бул иш боюнча билип туруп, алар камерага ушул күндү жазышпагандыгына байланыштуу, мектептин үстүнөн даттануу бар экендигин белгиледи. Комиссия Бишкек мэриясынын Билим берүү башкармалыгына мектеп директорунун шалаакылыгы үчүн дисциплинардык жоопкерчилигин кароону сунуш кылат.
Комиссия ошондой эле Свердлов районунун Билим берүү борборуна тарбия иштери боюнча башкы мугалимдин, социалдык кызматкердин жана класс жетекчисинин тиешелүү документтерди туура эмес тариздегени үчүн тартип жоопкерчилигин кароону сунуштайт: класстын социалдык паспорту жана ата-энелердин маалымат базасы (телефондор).
