Ош орблусуна караштуу Араван районундагы Көк-Желет айылында аянты 180 чарчы метрге жеткен турак үй толугу менен күйүп кетти. Бул тууралуу Өзгөчө кырдаалдар министрлиги билдирет.
Маалыматка ылайык, жабыркагандар жок. Электр жабдыктарын куроодогу этиятсыздык өрттүн чыгышына себеп болгон.
Кошумчалай кетсек, акыркы сутка ичинде республиканын аймагында 5 өрт кырсыгы катталды. Аларды өчүрүүгө 9 бөлүм жөнөтүлгөн.
