Чүй облусунда Кыргызстанга мыйзамсыз өтүүгө аракет кылган кыргызстандык кармалды. Бул тууралуу Мамлекеттик чек ара кызматынан билдиришти.
Маалыматка ылайык, кечээ, 30-январь күнү 40 жаштагы И.М. аттуу КР жараны Чүй дарыясын кечип Казакстандан Кыргызстан тарапка өтүп кетүүгө аракет кылган.
Тиешелүү документтер толтурулгандан кийин кармалган жаран УКМКнын аймактык бөлүмүнүн кызматкерлерине өткөрүлүп берилген.
