Аламүдүн районунун Октябрь айыл өкмөтүнүн башчысы 350 миң сом пара менен кармалды. Бул тууралуу Экономикалык кылмыштарга каршы күрөшүү кызматы билдирет.
Маалым болгондой, шектүү ишкерден кум-шагыл карьери боюнча ижара келишимин бузбоо үчүн 400 миң сом талап кылган. Ал 30-январда пара алып жаткан учурда колго түшүп, соттун чечими менен №1 абакка киргизилген.
Учурда бул факты боюнча Жазык-кодексинин 326-беренеси (“Пара талап кылуу”) менен сотко чейинки тергөө иши башталган.
