Евразия экономикалык комиссиясынын (ЕЭК) Финансы рыноктору боюнча консультативдик комитети ЕАЭБдин жалпы каржы рыногун калыптандыруу боюнча мамилени талкуулады.
Негизги көңүл уюмга мүчө мамлекеттердин мыйзамдарын шайкеш келтирүү маселелерине бурулду.
Финансы рыногунда мыйзамдарды шайкеш келтирүү боюнча 2024-жылга карата иш-чаралар планынын аткарылышы жөнүндө отчет бекитилди. Ошондой эле баалуу кагаздар рыногунда брокерлерге карата талаптарды координациялоо жана камсыздандыруу уюмдарын ЕАЭБдин жалпы каржы рыногуна киргизүү боюнча сунуштар жактырылды.
