Бүгүн, 26-июнда Ош шаарындагы Сулайман-Тоонун аймагында өрт чыгып, 15 гектар жерди жалын каптады. Бул тууралуу Өзгөчө кырдаалдар министрлиги билдирди.
Алдын ала маалыматтар боюнча, тилсиз жоо куураган чөптөн тутанган.
Өрттү өчүрүүгө 4 күжүрмөн эсеп, 3 куткаруучу тартылган. Тилсиз жоо саат 15:31де толук өчүрүлдү. Жабыркагандар жок.
ӨКМ жарандарды жаратылышта, үйдө, көчөдө өрт коопсуздугун сактоого чакырды.
