Кыргызстан менен Монголия соода-экономикалык жана гуманитардык кызматташтыкты кеңейтүү боюнча конкреттүү кадамдарды белгилешти.
Макулдашуулар кыргыз-монгол өкмөттөр аралык комиссиясынын бешинчи отурумунун жүрүшүндө жетишилди.
Делегацияларды Кыргызстандын Министрлер Кабинетинин Төрагасынын орун басары Эдил Байсалов жана Монголиянын вице-премьер-министри Сайнбуянгийн Амарсайхан жетектеп барышты.
Тар жана кеңейтилген чөйрөдө өткөн жолугушууда тараптар соода жүгүртүүнү арттыруу, биргелешкен инвестициялык долбоорлорду ишке ашыруу, туризмди өнүктүрүү жана илимий байланыштарды тереңдетүү жолдорун талкуулашты.
