Ысык-Көлдүн жээгинде “Мейкин Азия” IV эл аралык фестивалынын салтанаттуу ачылыш аземи өттү.
Салтанаттуу кечеге катышкан Мамлекеттик катчы Марат Иманкулов куттуктоо сөзүндө төмөнкүлөрдү белгиледи:
“Кыргызстандын бермети болгон Ысык-Көл жергесинде өткөрүлүп жаткан IV эл аралык “Мейкин Азия” фестивалынын ачылышы менен баарыңызды чын дилимден куттуктайм. Кыргызстандын жүрөгү болгон Ысык-Көл — бүгүн бүтүндөй Азия үчүн руханий борборго айланып турат. Биз маданиятты, өнөрдү жана өнөктөштүктү жогору коюп келебиз. “Мейкин Азия” фестивалы да ушул асыл максаттарды ишке ашырып, жаңы таланттарга жол ачып келет” — деди ал.
Ачылыш аземден кийин 25 өлкөдөн келген артисттер сахнага чыгып өз таланттарын тартуулашат.
Фестивалдын биринчи күнүндө кыргызстандык белгилүү аткаруучулар:
Jax 02.14, Freeman 996, Баястан, Тамга, Жийдеш Идирисова, ERA, жана “Номад” триосунун мүчөлөрү Бек Исраилов, Азат Раимбердиев, Минжашар Мурзаев өздөрүнүн жандуу аткаруулары менен кеченин программасын жыйынтыктайт.
