Тышкы иштер министринин орун басары Медер Абакиров Жапониянын Кыргызстандагы жаңы дайындалган элчиси Рюити Хиранону кабыл алды. Бул тууралуу КРдин Тышкы иштер министрлиги билдирди.

Жолугушууда Медер Абакиров Рюити Хиранону элчи болушу менен куттуктап, анын ишмердүүлүгү кыргыз-жапон мамилелеринин бекемделишине өбөлгө түзөрүнө ишеним билдирди.

Ал эми элчи Рюити Хирано ишеним грамoталарынын көчүрмөлөрүн тапшырып, эки өлкө ортосундагы кызматташууну жана биргелешкен демилгелерди илгерилетүүгө салым кошууга даяр экенин айтты.

Тараптар жогорку жана эң жогорку деңгээлдеги сапарларды өткөрүү, «Борбор Азия + Жапония» диалогу алкагындагы кызматташтыкты сүйлөшүштү. Ошондой эле учурдагы жана келечектеги долбоорлорду ишке ашыруу боюнча эки тараптуу күн тартибиндеги актуалдуу маселелерди талкуулашты.