12-мартта Ош облустар аралык бириккен клиникалык ооруканасында төрт эм жарык дүйнөгө келди. Бул тууралуу Саламаттык сактоо министрлиги билдирди.

Маалыматта айтылгандай, Ош облусунун Араван районунун 26 жаштагы тургуну кош бойлуулуктун 32-жумасында эрте төрөт коркунучу менен ооруканага түшкөн. Төрөт кесарево жолу менен ишке ашырылган. Бул эненин биринчи төрөтү болуп саналат.

Наристелердин үчөө кыз, бирөө уул. Алардын салмагы: кыз – 1830 г, уул – 1815 г, кыз – 1520 г, кыз – 1500 г.

Оорукананын директору Атабек Жумалиев билдиргендей, учурда эненин жана ымыркайлардын абалы канааттандырарлык. Аларды 23-март күнү ооруканадан чыгаруу пландалууда.