Борбор Азия өлкөлөрүндө электр энергиясына болгон тарифтер дүйнөдөгү эң төмөнкү көрсөткүчтөрдүн бири бойдон калууда. Бул тууралуу Евразия өнүктүрүү банкынын (ЕАӨБ) материалдарында айтылат.

Банктын аналитиктери белгилегендей, көп жылдар бою аймактагы электр энергетикасы социалдык маанилүү тармак катары каралып келген. Бул калк үчүн тарифтердин жеткиликтүүлүгүн камсыз кылуу максатында аларды жасалма түрдө төмөн деңгээлде кармап турууга алып келген.

ЕАӨБдүн маалыматы боюнча, 2024-жылы Казакстанда үй чарбалары үчүн орточо тариф кВт·саатына 4 центтин тегерегин түзгөн, ал эми дүйнөлүк орточо деңгээл 17 центке жакын болгон. Тажикстан менен Кыргызстанда калк үчүн электр энергиясынын баасы мындан да төмөн бойдон калууда.

Түркмөнстанда узак убакыт бою электр энергиясы, газ жана бензин менен катар эле, калкка иш жүзүндө бекер берилип келген. Бул үй чарбаларынын энергия ресурстарына болгон чыгымдарынын минималдуу үлүшүн камсыз кылган.

Аналитиктердин баамында, мындай тарифтик саясат калк үчүн электр энергиясынын жогорку жеткиликтүүлүгүн сактап калууга жана үй чарбаларынын чыгымдарынын өсүшүн ооздуктоого мүмкүндүк берди.