Бүгүн, 7-сентябрдан тарта Ысык-Көл облусунун Түп районундагы кыргыз-казак чек ара тилкесиндеги «Каркыра» көзөмөл-өткөрүү жайы ишин жандантты. Бул туурасында Кыргызстандын Чек ара кызматы кабарлады.
Маалыматка ылайык, аталган өткөрмө бекети күндүз саат 08:00дөн 18:00гө чейин иштейт. «Каркыра» өткөрмө бекетинен адамдар, транспорт каражаттары, жүк, товарлар жана жаныбарлар өткөрүлөт.
Ошондой эле Чек ара кызматы жарандарды Казакстанга барарда казак тарап киргизген чектөөлөр менен таанышып алууга чакырды.
