Жакында ЖМКлар жана социалдык тармактар аркылуу Дүйшөнбек Зилалиевдин тарапташтары тарабынан Сооронбай Жээнбековго каршы жалган кампания жүрүп жатат. Бул тууралуу экс-президенттин адвокаты Жыргал Бабаев социалдык тармактардагы баракчасына жазды.
Анын айтымында, Сооронбай Жээнбековдун бул ишке эч кандай тиешеси жок, ал Зилалиев иши боюнча соттолуучу дагы, күбө дагы эмес. Соттун өкүмү апелляциялык инстанцияда каралууда.
Кылмыш ишинде экс-президенттин бул кылмыш ишине тиешеси бар деген ишара дагы жок. Д.Зилалиев кылмыш ишине саясий боёк берүүнү көздөп жатат. Жогоруда баяндалгандардын негизинде, мен дагы бир жолу расмий түрдө жарыялайм — Зилалиев банктагы акча Жээнбековдун шайлоо өнөктүгүнө жумшалган деп жалаа жаап жатат , — деди Бабаев.
Ал кошумчалагандай, Зилалиев бул банктын кызматын 2011-жылдан бери колдонуп келген, б.а. Жээнбековдун катышуусу менен өтө турган президенттик шайлоого чейин болгон. Бул «ячейка» 2016-жылдын июль айында бир жылга ачылган.
2017-жылы, июлда бул ячейканын мөөнөтү аяктаган, аны узартуу же жабуу керек болчу. Эгерде кардар буюмдарын алуу үчүн келбесе, банк эсепти жаап салат. Банк комиссия түзүп, ячейканы 2017-жылдын июнь айында ачкан, ал видеого тартылган. Эки жумадан кийин Зилалиев камерадан акчасын алып кетти. Көрсө, Зилалиев банкка акыркы жолу 2017-жылдын март айында ячейкаларды ачканга чейин келген экен.
Көрүнүп тургандай, ячейка Жээнбеков премьер-министр кезинде түзүлүп, президенттикке талапкер болгон эмес. Анан кантип бул камераны президенттик шайлоо өнөктүгүнө арнаса болот? Сотто көрсөтүлгөндөй, Зилалиев көптөгөн кымбат баалуу кызматтык имараттарды сатып алып, кымбат баалуу сарайларды курган. Суроолор пайда болот — кайсы акчага, кимдерге арналган? Зилалиевге 2017-жылдын 24-ноябрында бомба жөнүндө жалган билдирүүсү үчүн УКМК тарабынан кылмыш иши козголгон, бир аз убакыт өткөндөн кийин мыйзамсыз баюу фактысы боюнча кылмыш иши козголгон. Жээнбеков Зилалиевдин кылмыш иши боюнча күбө болбошу керек жана болушу мүмкүн эмес, — деп жазган ал.
