Бишкекте суусуз каналга кулаган тургун жаракат алды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, окуя 15-апрелге караган түнү Бишкек шаарынын Аалы Токомбаев жана Сухэ-Батор көчөлөрүнүн кесилишинде болгон. Анда орто жаштардагы адам суусу жок каналга кулап түшүп башынан жаракат алган.
Окуя болгон жерге барган куткаруучулар ал адамды алып чыгып, “Тез жардам” унаасына салып беришкен.
