Чек арадан мыйзамсыз өтүүгө аракет кылган адам кармалды. Бул тууралуу Улуттук коопсуздук мамлекеттик комитетинин басма сөз кызматынан билдиришти.
Маалыматка ылайык, кечээ, 25-апрелде Чүй облусунда чек арачылар мамлекеттик чек араны мыйзамсыз кесип өтүп бара жаткан адамды кармашкан. Ал Кыргызстандан Казакстанды көздөй бара жаткан.
Тактоо иштеринин жүрүшүндө ал адамдын, 1981-жылы төрөлгөн Ж.Т. аттуу кыргыз жараны экени белгилүү болгон. Ал Казакстанга иш издеп бара жаткам деп түшүндүрмө берген.
Иш иликтөө үчүн тийиштүү кызматтарга өткөрүлүп берилген.
