Жогорку Кеңештин депутаты Наталья Никитенко Бишкектеги коомдук транспорттун ишине нааразы болду. Бул тууралуу ал социалдык тармакка жазды.
«Бүгүн эртең менен көптөгөн кыргызстандыктардай эле мен да жумушка абдан кыйынчылык менен жете алдым. Троллейбустар жок, кичи автобустардын жарымы жок, жарымы толуп. Бирок бул кыйынчылыктын жарымы, кечинде эмне болот? Балдар экинчи сменден качан үйлөрүнө кетишет? Чоңдор жумуш күнүн качан бүтөт? Ал эми суук -7 -10 деп убадаланган», — деп нааразы.
Парламентарий тарифтер көтөрүлгөндө мэрия жол кыймылын жөнгө салууга, коомдук транспорттордун санын көбөйтүүгө убада бергенин эске салды.
«Бирок биринчи сыноо жана баары начарлап кетти. Балким, баары акчада эместир? Бул кесипкөйлүк жана компетенттүүлүк жөнүндө болушу мүмкүнбү? Ар ким өз ишине жооп берип, жогору жакта эмес, карапайым жарандардын – шайлоочулардын алдында отчет беришин камсыз кылуу керек. Мэрди жарандар шайлашы керек», — деп жыйынтыктады ал.
