Ноокатта жол кырсыгынын кесепетинен “Hyundai Porter” үлгүсүндөгү унаа Ак-Буура дарыясына түшүп кеткен. Бул тууралуу Өзгөчө кырдаалдар министрлигинин маалымат кызматынан билдиришти.
Окуя 14-сентябрь күнү Ак-Терек-Папан-Кожокелен унаа жолунун 40-чакырымында Күндү-Дөбө айылында катталган. Унаадагы 2016-жылы туулган жаш бала сууга чөгүп кеткен.
20-сентябрда издөө иштерин жүргүзүү үчүн ӨКМнин 17 куткаруучу тартылган.
Бүгүн, 21-сентябрда дагы издөө иштери улантылат.
