Жогорку Кеңештин депутаттары Жанар Акаев менен Мирлан Жээнчороев ички иштер министрлигине суракка чакыртылды. Маалыматты Reporter.kg`ге министрликтин басма сөз кызматынан тастыкташты.
Депутаттар 5-6-октябрдагы окуялардан кийин «массалык башаламандыкты уюштуруу» боюнча козголгон кылмыш иштин алкагында күбө катары суракка чакырылышкан.
Айрым басылмалар Мирлан Жээнчороевдин пневмония болуп ооруп жатканын жана суракка бүгүн бара албай турганын жазып чыгышты.
