АКШда Boeing 767 учагы учуп бара жатканда сол кыймылдаткычы өрттөнүп кеткен. Бул тууралуу америкалык ABC7 басылмасы жазды.
Маалыматка ылайык, Дельта авиакомпаниясына таандык учак Лос-Анжелестен Атланта шаарына учуп чыккан. Учакта экипаждын 9 мүчөсү жана 226 жүргүнчү болгон.
Учкучтар өрттү көргөндө учакты кайра буруп, аэропортко кондурушкан. Бардык жүргүнчүлөр учактан аман-эсен чыгарылган. Delta компаниясы жүргүнчүлөрдү Атлантага башка рейс менен жеткиришкенин билдирди.
Азыркы учурда териштирүү жүрүп жатканы айтылды.
