Баткен облусундагы чек ара жаңжалында жабыркагандар үчүн АКШдан Кыргызстанга гуманитардык жардам келди. Бул тууралуу АКШнын Кыргызстандагы элчилиги маалымдады.
АКШнын Коргоо министрлиги гуманитардык жардам катары керебеттерди, матрацтарды, шейшептерди жана кышкы кийимдерди жөнөткөн. Өз кезегинде Өзгөчө кырдаалдар министрлиги бул жардамды жабырлануучуларга бөлүштүрөт.
Белгилеп кетсек, аталган гуманитардык жардамдын баасы көрсөтүлгөн эмес. Бул колдоо АКШнын Эл аралык өнүктүрүү агенттиги (USAID) мурда берген 8 миллион сом (100 миң доллар) жана гигиеналык каражаттарга кошумча экени баса белгиленген.
Телеграм каналыбызга катталыңыз
