Бир сутка ичинде өлкө боюнча 22 медициналык кызматкер коронавирус жуктуруп алганы аныкталды. Бул тууралуу бүгүн, 23-июнда Республикалык ыкчам штабдан билдирди.
Маалыматка ылайык, илдетти жуктуруп алган медиктер төмөнкү аймактарда:
Бишкек шаары – 11;
Чүй облусу – 9;
Ош шаары – 2.
Ал эми стационарлардан сутка ичинде 2 медкызматкер айыгып чыгарылды.
Жалпысынан республика боюнча COVID-19 диагнозу менен медициналык кызматкерлер арасында – 604 учур катталды, алардын ичинен 389 медкызматкер стационарлардан айыгып чыккан.
