Милициянын маалыматы боюнча, окуя Наманган облусундагы Нарын районунда 20-декабрда катталган. 18 жана 23 жаштагы эки жигит 16 жаштагы кызды күч менен автоунаага салып, алып кетүүгө аракет кылышкан. Машине жүрүп бара жатканда кыз секирип түшүп, алган жараатынан улам каза болгон.
Маркум кыз курбулары менен бирге батирде жашап, университетке тапшырууга даярданып жатканы кабарланды. Бул иш боюнча кылмыш иши козголуп, тергөө башталды.
Милициянын маалыматы машинедегилер маркум кызды кандай максатта ала качканы айтылган эмес. Бирок Борбор Азия жана Түндүк Кавказ элдеринде турмуш куруу максатында ала качуу өнөкөтү азыркыга чейин сакталып калган.
