Эми аскердик билеттер жана эмгек китепчелери «Түндүк» мобилдик тиркемесинде жеткиликтүү. Бул тууралуу өкмөттүн аппараттык жыйынында айтылды.

Жыйынга өкмөт башчы Адылбек Касымалиев катышып, аталган документтерди санариптештирүүнүн алгачкы жыйынтыктары тууралуу маалымат берди.

Анын айтымында, Кыргызстандын жарандары «Түндүк» аркылуу аскердик билеттерди санарип форматта колдоно алышат. Анын айтымында, бул мобилизациялык ресурстарды сапаттуу жана сандык эсепке алуу жана көзөмөлдү күчөтүү үчүн чоң кадам болуп саналат.

Мындан тышкары, электрондук эмгек китепчеси «Түндүктө» жеткиликтүү. Касымалиев бул маалыматтардын аныктыгынын жана корголушунун кепилдиги болорун белгиледи.

“Система жумушчулар үчүн гана эмес, жумуш берүүчүлөр үчүн да коопсуздукту камсыздайт. Эмгек китепчелерин санариптештирүү жөн гана технологиялык жаңылоо эмес. Жалпысынан, эмгек китепчелерин санариптештирүү менен ар бир жараныбыздын эмгек тарыхынын аныктыгын, маалыматтарынын коопсуздугун жана жеткиликтүүлүгүн түзүүгө карай маанилүү кадам жасадык”, – деди ал.