Ат-Башы районундагы логистикалык борбор жети жылда курулуп бүтөт. Бул тууралуу Инвестиция тартуу агенттигинин өкүлү Жалын Жээналиев билдирди.
Анын айтымында, учурда борбордун техникалык долбоору түзүлүүдө.
«Инвестициялык келишимге кол коюла элек. Анда бардык талаптар көрсөтүлөт. Эгер инвестор талаптарды аткарбаса келишим жокко чыгарылат. Талаш маселелер Кыргызстандын мыйзамдары менен жөнгө салынат», — дейт ал.
Борбордун курулушуна 176 гектар жер берилди.
