Экс-президент Алмазбек Атамбаев экинчи ирет Ички иштер министрлигинин Тергөө кызматына суракка чакырылды.
Атамбаев бүгүн, 11-июлда саат 10го күбө катары чакырылган. Чакырууну милиция кызматкерлери Атамбаевдин Кой-Таштагы үйүнө алып барып, КСДПнын юристи Нурбек Касымбековго беришкен.
Ал эми мурдагы президенттин жактоочусу Сергей Слесарёв бул ирет да Атамбаевди суракка чакырууда мыйзам бузуу болгонун айтып, суракка барбай турганын билдирди.
Слесарёв Атамбаевди 8-июлда ИИМдин Башкы тергөө башкармалыгына күбө катары суракка чакыртылган боюнча мыйзам бузуу болгонун ырастаган кат жөнөткөнүн айтты.
