Чүй облусунун Москва районундагы «Ак-Суу» жаратылыш коругуна коюлган фотокапкандарга бир канча жапайы жаныбарлардын сүрөтү түшкөн. Сүрөттөрдөн ак илбирсти, түлкүнү, кирпини көрүүгө болот. Бул тууралуу Жаратылыш ресурстары министрлиги билдирди.

Мындан тышкары ЮНЕСКОнун тизмесине кирген Беш-Арал мамлекеттик жаратылыш коругунун аймагында Франциядан келген жаратылыш сүйүүчүлөр экспедиция жасашкан. Анын жүрүшүндө коруктун аймагында байырлаган жапайы жаныбарлардын баалуу сүрөттөрү тартылган. Сүрөттөрдөн аюуну жана анын мамалактарын, ошондой эле бүркүттү көрүүгө болот.