Бүгүн, 9-январда Украина, Иран өлкөлөрүндө аза күтүү күнү жарыяланды. Бул тууралуу чет элдик басылмалар жазып чыгышты.
Кечээ, 8-январда Тегеранда Украинага таандык Боинг 737 учагы кулап, борттогу бардык жүргүнчү жана 9 экипаждын мүчөсү каза болгон. Президент Владимир Зеленский бүгүн, 9-январды өлкөдө аза күтүү күнү деп жарыялады.
Эки өлкөнүн желектери ылдый түшүрүлдү.
«Бортунда 180 жүргүнчүсү бар Boeing 737 учагы техникалык себептерден улам Имам Хомейни атындагы Тегеран эл аралык аэропортунда кулады», – деп жазылган басылмаларда.
