Бүгүн, 17-мартта Нооруз майрамына карата Чолпон-Ата шаарындагы ат майданда көк бөрү боюнча Жогорку лиганын оюндары башталат.
16-мартта ташталган чүчү кулактын жыйынтыгы менен 6 команда эки тайпага бөлүндү.
А тобунда: “Ынтымак”, “Сары-Өзөн”, “Жаш-Күч” командалары ойнойт.
Б тобунда: “Достук”, “Мурас”, “Ала-Тоо” командалары күч сынашат.
Бүгүн саат 11:00дө «Сары-Өзөн» – «Жаш-Күч» беттешсе, 12:45те «Достук – Ала-Тоо» жааттары таймашат.
Белгилей кетсек, Манас Ниязов “Ала-Тоо” командасына өткүчө “Достуктун” курамында ойногон.
