Бүгүн, 29-январда Жогорку Кеңештин жыйынында “Калкты иш менен камсыз кылууга көмөктөшүү жөнүндө” мыйзамдын долбоору экинчи окууда каралды.
Талкуу учурунда депутат Тариел Жоробеков жумушсуздук өлкөнүн кайсы аймактарында көбүрөөк экенин жана статистикалык талдоо иштери жүргүзүлүп жатабы? деп сурады.
Эмгек жана социалдык өнүктүрүү министринин орун басары Камалдин Токтосартов статистикалык маалыматтарга караганда, жумушсуздук Баткенде 9, Нарында 8,8, Ысык-Көлдө 8,4, Чүйдө 7,3 пайызды түзөрүн билдирди.
