Баткенде аткезчилик жолу менен ташылып келген күрүч жана тамеки кармалды. Бул тууралуу Мамлекеттик бажы кызматынын басма сөз кызматына кабарлашты.
Маалыматка ылайык, Кадамжай районуна караштуу Пулгөн айылында “Mersedes-Benz 315” үлгүсүндөгү унаа текшерүүгө алынган. Унаанын жүк бөлүгүндө өлкө аймагына мыйзамсыз ташылып келе жаткан 53 кап жалпы салмагы 1 тонна 365 килограмм болгон “Uzrise Made in Uzbekistan” үлгүсүндөгү лазер күрүчү жана 7 миң таңгак (140 миң даана) “Mong gold, Mond black super slims” үлгүсүндөгү акциздик маркасы жок тамеки продукциясы табылган.
Бул факты кылмыштардын жана жоруктардын бирдиктүү реестрине катталып, тийиштүү органдарга өткөрүлүп берилген.
