Өзгөчө абал учурунда коомдук жайларда беткапсыз жүргөн аадмдар миң сом, ал эми юридикалык жактар 5 миң сом айыпка жыгылат. Бул тууралуу Өкмөттун басма сөз кызматы кабарлайт.
Ал ми күндүзгү маалда үйдөн чыгып өзгөчө абал режимин бузгандар жеке жактар үчүн 3 миң сом, юридикалык жактарга 13 миң сом өлчөмүндө айыппул салынат.
Коменданттык саатты бузгандар эрте мененкиге чейин кармалат, ал эми жанында документи жоктор өздүгү аныкталганга чейин үч суткага чейин камалат; кармалгандардын өздөрү, буюмдары жана унаа каражаттары текшерилиши мүмкүн. Ошондой эле жеке жактар үчүн 3 миң сом, юридикалык жактарга 13 миң сом өлчөмүндө айыппул салынат.
Коомдук тартип боюнча милдетин өтөп жаткан милиция кызматкеринин мыйзамдуу талаптарына баш ийбеген адамдар үчүн 3 миң сом, юридикалык жактарга 13 миң сом айыппул каралган.
Карантин, обсервация режимин сактабагандык, дарылануудан качуу, оорусун жашырып, башкаларга жугузуу 15 миң сомдон 60 миң сомго чейинки айыппул менен жазаланат.
