Сутка ичинде республиканын аймагында 6 өрт кырсыгы катталып, өрттү өчүрүүгө 6 бөлүм тартылган. Бул тууралуу Өзгөчө кырдаалдар министрлигинин маалымат кызматынан билдиришти.
Өрт катталган аймактар: Чүй облусунда ― 1, Ош облусунда ― 2, Ысык-Көл облусунда ― 1, Талас облусунда ― 1, Баткен облусунда ―1.
Оштун Ноокат районундагы Кайрагач айылында Ош – Кызыл-Кыя унаа жолунун 51-чакырымында ВМW-525 үлгүсүндөгү жеңил унаанын кыймылдаткычы күйүп кеткен. Себеби электр жабдууларын куроодо эреже бузулган.
