Кыргызстандын борбору Европа Биримдигинин жана Борбордук Азия өлкөлөрүнүн жарандык коомунун 6-форумун өткөрүүчү аянтчага айланды. 5-февралда башталган иш-чара коомдук уюмдардын, жаштар кыймылдарынын, ЕБ институттарынын жана БУУ түзүмдөрүнүн өкүлдөрү болгон жүздөн ашуун делегаттын башын бириктирди. Бул аянтча салттуу түрдө Европа менен аймактын ортосундагы инклюзивдүү өнүгүүгө жана ачык диалогго багытталган узак мөөнөттүү өнөктөштүктүн көрсөткүчү болуп саналат.

Үстүбүздөгү жылы уюштуруучулар басымды теориялык талкуулардан практикалык багытка бурушту. Форумдун негизги милдети катары жарандык диалогду Европа Биримдигинин Global Gateway стратегиясынын артыкчылыктарын колдогон конкреттүү аймактык аракеттерге айландыруу белгиленди.

Эки күндүк иштин программасы стратегиялык маанилүү багыттардын кеңири спектрин камтыйт. Эксперттер жана катышуучулар санариптик трансформация, климаттык күн тартиби жана бизнести жоопкерчиликтүү жүргүзүү маселелерине көңүл бурушат. Күн тартибинде социалдык аспектилерге, анын ичинде аялдардын укуктарын кеңейтүүгө жана мамлекеттик чечимдерди кабыл алуу процесстерине жаштарды жигердүү тартууга өзгөчө көңүл бөлүнгөн.