Бишкек-Москва-Бишкек үзгүлтүксүз авиа байланыштын саны жумасына 6 каттамга чейин көбөйтүлдү. Бул тууралуу Кыргызстандын Тышкы иштер министрлиги маалымдады.
Бул иш Кыргызстан менен Орусиянын Тышкы иштер министрликтеринин сүйлөшүүсүндө ишке ашкан.
2021-жылдын 8-февралынан тартып, Кыргызстандын жарандары Бишкек шаарынан Москва шаарына «Авиа Траффик Компани» авиакомпаниясынын 3 үзгүлтүксүз каттамы жана «Аэрофлот- Российские Авиалинии» авиакомпаниясынын 3 үзгүлтүксүз авиа каттамдары менен уча алышат.
ТИМ үзгүлтүксүз авиа каттамдардын көбөйүшү Covid-19на чалдыккандардын санынын олуттуу түрдө төмөндөшү менен жалпы эпидемиологиялык кырдаалдын стабилдешинен улам ишке ашып жаткандыгын белгиледи.
