Бишкектин Арча-Бешик жаңы конушунда кекиртегинен мууздалган адамдын сөөгү табылды. Маалматты Reporter.kg`ге Бишкек шаардык милициясынын басма сөз катчысы Улан Жумаков тастыктады.
«Окуя тууралуу маалымат бүгүн саат 15:30да келип түшкөн. Окуя болгон жерге дароо ыкчам-тергөө кызматы жөнөп кеткен. Учурда жеринде териштирүү иштери жүрүп жатат. Толук маалыматты кийинчерек беребиз», — деди ал.
Ал эми «Азаттык» радиосу күбөлөргө таянып, киши колдуу болуп өлтүрүлгөн адам 50-60 жаштарда экенин жазды.
Басылманын маалыматына караганда маркумдун жүрөк тушунда жана кекиртегинде бычактын изинен калган жарааттары бар.