Бишкек шаарында уурулук кылууга шектүү жаран кармалды. Бул тууралуу Милициянын кайгуул кызматынан билдиришти.
Маалыматка ылайык, 17-мартта болжол менен саат 12:50дө “102” линиясына Тыныстанов-Сүйөркулов көчөлөрүнун кесилишинде 2 күн мурда акча уурдаган адамды көргөндүгү тууралуу чакыруу келип түшкөн.
Чакырууга барган милиция кызматкерлерине 1987-жылы туулган Ж.Э. аттуу жаран 15-мартта болжол менен саат 13:00дор чамасында Сүйөркулов-Тыныстанов көчөлөрүнүн кесилишинде ичинде 48 миң сом салынган сумканы уурдап кеткен белгисиз адамга карата чара көрүп берүү өтүнүчү менен кайрылган.
Шектүү катары 1983-жылы туулган К.В. аттуу жаран кармалып, андан ары териштирүү үчүн Октябрь райондук Ички иштер башкармалыгына жеткирилген.
Аталган факт боюнча сотко чейинки өндүрүш иши башталганы айтылат.
