Бишкек шаарында Кыргызстандын футзал ассоциациясынын кубогу өтүүдө. Бул тууралуу Кыргыз футбол уюмунан билдиришти.
Турнир 15-мартта Арча-Бешиктеги “Газпром” спорт аянтында башталды. Ал 19-мартта жыйынтыкталат.
Алгачкы оюн күндө “Steelex” 6:2 эсеби менен “Шавкатты” жеңсе, “Кара-Дарыя” 2:5 эсебинде “Мурас” командасына жеңилди.
Бүгүн, 16-мартта саат 17:20 жана 19:20да дагы эки оюн өтөт.
«Кыргызстандын футзал ассоциациясынын кубогу-2021” — өзгөчө мелдеш катары өткөрүлөт. Тайпалык баскычтагы ар бир оюндун соңунда беттеш кандай жыйынтыкталбасын пенальти тебилет.
Ошондой эле оюндун ортосундагы тыныгуу убактысында катышуучу командалар арасында 10 метрликтен тебүү, бирге бир чыгуу — футзал буллити боюнча сынактар өтөт. Мелдеш жыйынтыгында сынактын мыктылары аныкталат.
