Милициянын кайгуул кызматы жөө жүргүнчүнү сүзүп, жеринен качып кеткен айдоочуну кармады. Бул тууралуу Патрулдук милициядан билдиришти.
Ушул жылдын 20-ноябрында саат 10:30 чамасында Бишкек шаарынын Ауэзов жана Путипровод көчөлөрүнүн кесилишинде белгисиз айдоочу жөө жүргүнчүнү сүзүп, андан кийин окуя болгон жерден качып кеткен. Кырсыктын кесепетинен 2001-жылы туулган М.С., ооруканага жеткирилген.
Милиция кызматкерлери тарабынан көрүлгөн ыкчам-чараларынын натыйжасында жол кырсыгына шектүү катары «Мерседес-Бенц» унаасынын айдоочусу 1983-жылы туулган Ш.У., кармалган. Айдоочу Бишкек шаарынын Ички иштер башкы башкармалыгынын Тергөө кызматына жеткирилген. Бул факт Кылмыштардын жана жоруктардын бирдиктүү реестрине катталган.
