Бүгүн, 19-декабрда Бишкек шаарынын С.Каралаев менен И.Ахунбаев көчөлөрүнүн кесилишинде жайгашкан сервистик тейлөө борборунан (унаа жуучу жай эмес) өрт чыкты. Бул тууралуу Өзгөчө кырдаалдар министрлигинин маалымат катчысы билдирди.
Маалыматка ылайык, өрттү өчүрүүгө саат 10:16да Октябрь райондук №5 ӨКБдан 1 бөлүм, саат 10:20да Свердлов райондук №7 ӨКБдан 1 бөлүм, саат 10:27де Биринчи Май райондук №8 АӨКБдан 1 бөлүм, жалпы 3 бөлүм, саат 10:35те Штаб жана саат 11:10до ККББдан ыкчам топ тартылган.
Сервистик тейлөө борборунан чыккан өрт саат 11:27де чектөөгө алынды.
