Бишкекте 19-декабрда Садигалиев көчөсүнүн 9а / 2 дарегинде жайгашкан Дордой Дыйкан базарынын аймагында заманбап эт сатуучу дүкөн ачылды.
Борбор калаанын мэриясынын басма сөз кызматы билдиргендей, дүкөндүн аянты 1300 чарчы метр. Айына 7 миң сом ижара акысы менен 47 соода орундары бар. Иштөө убактысы: күн сайын саат 8: 00дөн 20: 00гө чейин.
Базардын ичинде ар бир эт азыктары кылдат лабораториялык текшерүүдөн өтүп, андан кийин гана чекене сатуу жайына жөнөтүлөт.